މައިކެރިއަރ

 ނެޝަނަލް ސެޓްފިކެޓް-3 އިން ޓުއަރ ގައިޑިންގ އަކީ ފަތުރުވެރިކަމާއި މެހުމާންދާރީގެ ދާއިރާގައި ޕްރޮފެޝަނަލް ޓުއަރ ގައިޑުންގެ ގޮތުގައި މަސައްކަތްކުރާނެ ފަރާތްތައް ތަމްރީނުކުރުމަށް ޚާއްޞަކޮށް ފަރުމާކުރެވިފައިވާ ތަމްރީނު ޕްރޮގްރާމެކެވެ. މި ކޯހުގެ ތެރެއިން ދަރިވަރުންނަށް އެކި ފަރާތްތަކާއެކު މުޢާމަލާތްކުރުމުގެ ހުނަރާއި، ކަސްޓަމަރުންނަށް ފެންވަރު ރަނގަޅު ޚިދުމަތްތައް ފޯރުކޮށްދިނުމުގެ އުކުޅުތައް ދަސްކުރެވޭނެއެވެ.

މީގެ އިތުރުން، މި ޕްރޮގްރާމުގައި ސަގާފީ ހޭލުންތެރިކަން އިތުރުކުރުމާއި، ދަތުރުތައް ރާވައި ހިންގުމުގެ އަސާސީ ހުނަރުތައް ދަސްކޮށްދެވޭނެއެވެ. އަދި ޓުއަރ ގައިޑުކުރުމުގެ ޚާއްޞަ އުކުޅުތަކާއި، ސަލާމަތާއި ރައްކާތެރިކަމުގެ އިޖުރާއަތުތަކާއި، ޤުދުރަތީ އަދި ސަގާފީ ތަރިކަ މާނަކޮށްދިނުމުގެ ހުނަރުތައްވެސް މި ކޯހުގައި ހިމެނިފައިވެއެވެ.